عدى النهار والمغربية جت
وحجر (حنى) تاه منى وجدى فى (نت)
والليل قاسى وغير ناسى مين يواسى الا عجين و (لت)
يعمى يا أبو الليل هوة أنت سلطانه
قالولى خاف م الليل د الجن أعوانه
عجب العجاب ف الليل وعجيب سكانه
تسمع عويل (عويل) تاه منه عنوانه
واللى يغنى لالليل فى حضن خلانه
واللى ينادى ىا ولاد الحلال ليه منى نص ريال والضايع يرجع مكانه
واللى يغنى بقهر: (بحرى بحرى باا حاارى الهوى كله با حا رى)
وهناك كمان البحر
وبحرى يا ابو الليل وصلو النهار بالليل
أوسمة ومداخن ونجوم فوق الصدر
وللينا يابو الليل اسود طويل بهيم قاسى كمثل الصخر
هل بت يا ابو الليل مازلت سلطانه!!!!
عطشى وجنب النيل يجرى بطوفانه
وان قولنا مدد يا نيل نلقى صخر فى شطانه
والنيل ولو فيه سيل ما يفتح لنا احضانه
ياعينى على متقال لما تعب وانهد
فين لما كان يغنى يجلجل احنا بناة السد
واحناحماة الحما واحنا ولاد الجد
دلوق مواله صار تعبان وهزيل
تملى يغنى ياليل ياليل ياليل
قالولو فين ياعين وظبط لنا الحانه
قال لما يحن النيل وينعدل ميزانه
متقال فى العام 1990 بجامعة اسيوط
الاشتراك في:
تعليقات الرسالة (Atom)
هناك تعليق واحد:
أنا حزين جدا لتخلفنا
أمجاد ياعرب
أمجاد ياعرب
لو هناك تماس بين مصر والجزائر لأعلنت الحرب.
إرسال تعليق